Асқар Жұмабек: «Мені қарабет қылды» (Видео)

01 сәуiр, 15:14

Актер Асқар Жұмабек 10 күндік жазасын өтеп шыққан соң, әлеуметтік желіде бейнежазба жариялады. Оның айтуынша, жәбірленуші оқиғаны толық әрі шынайы жеткізбеген.

«Мен біреуді жамандап, хайп жинайтын адам емеспін. Егер шынымен кешірім сұрауға негіз болса, оны ашық жариялаймын», — деді актер.
Асқар Жұмабектің сөзінше, тараған ақпарат шындыққа жанаспайды. «Тіпті «физикалық шабуыл болды» деген сөздер — өтірік. Ондай жағдай болған жоқ», — деп атап өтті ол. Актер әйелге қол көтеру оның қағидатына қайшы екенін және оқиға тек жұмыс барысындағы түсініспеушілік екенін айтты.

«Маған «халық алдында кешірім сұра» деп жатыр, бірақ ешкімді ұрған жоқпын, қорламадым, өтірік ақпарат таратқан жоқпын. Сондықтан себеп жоқ», — деп қорытындылады Асқар Жұмабек.