Алматыда ер адам дәрігерлерді пышақ ұстап қуған (Видео)

30 наурыз, 11:28

Әлеуметтік желіде таралған ақпарат бойынша Алматыда ер адам дәрігерлерді пәтерге қамап, қорқытқан, кейіннен әрең қашып шыққаннан кейін, күдікті оларды пышақпен қуған.

Аталған дерек бойынша Алматы қаласы Жетісу ауданының Полиция басқармасымен Қылмыстық кодексінің 380-3-бабы бойынша қылмыстық іс қозғалды. Алматы Полиция департаменті анықтағандай, жедел медициналық көмек бригадасы шақырту бойынша науқасқа келген. Алайда сол жерде болған оның ұлы мас күйде болып, өзін агрессивті ұстаған. Қорқытып, айналадағыларға қауіп төндіретін заттарды көрсеткен. Медициналық қызметкерлердің қауіпсіздігін қамтамасыз ету үшін оқиға орнына полиция қызметкерлері шақырылған.

Құқық бұзушы ұсталып, уақытша ұстау изоляторына қамалды. Қазіргі уақытта оқиғаны жан-жақты және объективті зерттеуге бағытталған қажетті тергеу әрекеттері жүргізіліп жатыр.