Алматыда ер адам аялдамада қарт әйелді аяусыз ұрып-соқты

24 сәуiр, 9:55

Алматыда ер адам аялдамада қарт әйелді аяусыз ұрып-соқты. Оқиға кеше Бостандық ауданында болған. 66 жастағы әйел автобус күтіп тұрған кезде белгісіз ер адам артынан келіп, оны ұра бастаған, деп хабарлайды jasqazaq.kz.

Зардап шеккен әйел ауруханаға жеткізілді, жағдайы ауыр. Әйелдің қызы бейнебақылау камераларынан алынған видеоны жариялап, шабуыл жасаған адамды жауапкершілікке тарту керек екенін айтты.

Алматы қалалық Полиция департаментінде аталған дерек бойынша қылмыстық іс қозғалғаны хабарланды. Полиция қызметкерлері күдіктінің жеке басын жедел анықтап, оны ұстады. Қазіргі уақытта ол уақытша ұстау изоляторында отыр, тергеу болған оқиғаның барлық мән-жайын анықтау үшін қажетті шараларды жүргізіп жатыр.