Үстіміздегі жылдың 17 ақпанында Ақтау гарнизонының әскери бөлімдерінің бірінде командирдің қызметтік міндеттеріне салғырт қарауы салдарынан сарбаз Р. Жайғалиевтің қаза болуына байланысты қылмыстық істің тергеуі аяқталды, деп хабарлайды jasqazaq.kz.
Бас әскери прокуратура мәліметінше, тергеу кезінде бөлім командирі жеке құрамды бақылауды және қарумен жұмыс істеу тәртібін қамтамасыз ету бойынша жарғылар мен ведомстволық бұйрықтарда көзделген шараларды қабылдамағаны анықталды. Бұл қайғылы оқиғаға әкеп соқтырды.
Әскери прокурорлардың үздіксіз қадағалауы және жедел-тергеу тобының үйлестірілген жұмысы барысында қысқа мерзімде жеткілікті дәлелдер жинақталып, қажетті сот сараптамалары жүргізілді.
Соның нәтижесінде қылмыстық іс мәні бойынша қарау үшін сотқа жолданды.
Сонымен қатар, барлау-шабуыл батальонының командирі, оның орынбасары және рота командирі қызметтерінен босатылды, 10 лауазымды тұлға тәртіптік жауапкершілікке тартылды.
JQ-Aqparat
Фото: Kazinform
WhatsApp: +7 705 717 9113
