Ақтауда блогерлердің жеке видеосын заңсыз таратқан күдікті анықталды

Бүгін, 16:02

Ақтауда блогерлердің жеке видеосын заңсыз таратқан күдікті анықталды, деп хабарлайды jasqazaq.kz

Полицияға жергілікті блогерлер жүгініп, WhatsApp мессенджері арқылы жеке пайдалануға арналған бейнематериалдарының таралғанын хабарлаған.

Аталған дерек бойынша ҚР ҚК-нің 147-бабы бойынша қылмыстық іс қозғалды. Жедел-іздестіру іс-шаралары нәтижесінде күдікті анықталып, ұсталды. Ол – қала тұрғыны, кәмелетке толмаған. Қалған мән-жайлар анықталуда.

Полиция жеке және құпия материалдарды келісімсіз тарату қылмыстық жауапкершілікке әкелетінін ескертеді.