Теннисші Камила Керімбаева допинг қолданғаны үшін жазаланды

06 қантар 2018, 16:44

22 жастағы қазақстандық теннисші Камила Керімбаева қанынан допинг табылғаны үшін екі жылға теннистен шеттетілді, деп хабарлайды prosports.kz сайтына сілтеп Stan.kz.

Қазақстандық теннисші Керімбаеваның қанынан мельдоний ізі табылған. Ол 2017 жылдың 25 қыркүйегінен бастап екі жылға жазаланды.

Естеріңізге сала кетсек, бұған дейін мельдоний қолданған Арсан Арашов та екі жылға жазаланған еді.

Камила Керімбаева – ҚР спорт шебері. Ол ITF сериясындағы турнирлерді 18 рет жеңіп алған. Сондай-ақ, спортшы Қазақстан әйелдер құрамасының мүшесі.