Мобильді тіркеу басталды

Алматыдан ұшатын жолаушылар халықаралық рейске ұялы телефон арқылы тіркеле алады. Бұл туралы «Эйр Астана» АҚ-ның баспасөз қызметі хабарлады.
Мобильді отырғызу талоны бар жолаушыларға шекаралық бақылаудан өту үшін FAST TRACK жеке үстелше белгіленген. Бұл қызмет Алматы халықаралық әуежайымен ҰҚК шекара қызметімен өзара әрекеттестік арқасында мұмкін болды. Сөйтіп «Эйр Астана» осындай қызметті ұсынатын еліміздегі бірінші әуекомпания болды. Естеріңізге сала кетейік, 2016 жылы шілде айында ішкі рейстерге мобильді тіркелу енгізілген болатын.
Мобильді тіркелу үшін air astana қосымшасын жүктеп, отырғызу алдында телефонды сканерлейтін құрылғыға жақындату керек. Тіркелу рейске дейін 24 cағат бұрын басталып, бір сағат бұрын жабылады.