Министрден Алғыс хат алған оқушы

Мәдениет және спорт министрі Асхат Оралов қарағандылық жас палуан, джиу-джитсу бойынша күресетін Ілияс Балтағазыға Алғыс хат жолдады. 14 жастағы спортшы татамидегі шеберлігін әлеуметтік желі арқылы жария етіп көпшіліктің ықыласына бөленген болатын. Ілияс джиу-джитсу күресімен 2017 жылдан бері айналысады. 6 жыл ішінде ол Қазақстанның төрт дүркін чемпионы, Азия чемпионы және Абу-Дабиде өткен әлем чемпионатының күміс жүлдегері атанды. Министр жас спортшының жетістіктерін атап өтіп, болашақта одан әрі жеңістер тіледі.

«Қазақ спортының болашағы Ілияс сияқты жас таланттармен байланысты. Ол біздің елімізді халықаралық деңгейде абыроймен таныстырып үлгерді, оған қол жеткізген жетістіктерімен тоқтап қалмай, әлем чемпионы болуды, содан кейін Қазақстанға Олимпиаданың алтын медалін әкелуді тілеймін», – деді Асхат Оралов.

JQ-Aqparat