Көлігімен адам қаққан ағайындыларға прокурор 15 жыл сұрады

12 ақпан 2020, 17:05

Алматы қаласының қылмыстық істер жөніндегі мамандандырылған ауданаралық сотында жаяу жүргіншілерді көлігімен қасақана қаққан ағайындылардың ісі бойынша жарыссөз өтті, деп хабарлайды ҚазАқпарат.

«Мен соттан Жандос Әлікеевті 15 жылға бас бостандығынан айыруды сұраймын»,– деді прокурор. Мемлекеттік айып тағушы Дінмұхаммед Әлікеевке де сонша жыл сұрады.

Естеріңізге салайық, 26 тамызда таңғы сағат 5-те Алматы қаласы Бостандық ауданы Гагарин көшесінде болған қақтығыстан кейін бір тараптың өкілдері өз қарсыластарын автомобильмен қағып, қылмыс орнынан бой тасалаған. Видео әлеуметтік желіде тараған болатын.