Еуропа лигасында «Ертіс», «Ордабасы» және «Қайраттың» қарсыласы қашан белгілі болады?

УЕФА-ның ресми сайты 2018/19 жылғы маусымдағы Еуропа лигасының жеребе тарту рәсімі қашан өтетінін ресми жариялады, деп хабарлайды Vesti.kz.

Еуропа лигасының бірінші айналымынан үш бірдей қазақстандық клубтар — «Қайрат», «Ордабасы» және «Ертіс» командалары қатысады. Оларды қарсыластары 19 маусым күні белгілі болады.

Қазақстандық клубтардың бірінші ойындары 12 шілде, ал жауап кездесулері 19 шілде күндері өтеді. Кестемен толық мына жерде танысуға болады.

Еске салайық, 2019 жылғы Еуропа лигасының финалы 29 мамырда Баку қаласында өтеді.