Еркебұлан Сейдахмет ресейлік “Уфа” клубына кететін болды

06 қантар 2018, 18:59

Қазақстан футболының үміті саналатын Еркебұлан Сейдахметтің ресейлік «Уфа» клубына кетуі мүмкін деген ақпаратқа қатысты пікір айтылды.

Бұл туралы Sports.kz хабарлайды.

Бұл ақпаратқа қатысты пікірдің қаншалықты рас екенін тараздық «Монтажник» футбол клубының негізін қалаушы, Георгий Хутиди растады.

Георгий Хутидидің сөзінше, ресейлік БАҚ «қазақ Мессиі» деп атап кеткен Еркебұлан қаңтардың ортасында «Уфа» ойыншыларымен бірге Кипрге оқу-жаттығу жиынына кетеді.

Ақпан айында Еркебұлан Сейдахмет 18 жасқа толады. Спортшы кәмелет жасына тола салысымен, ресейлік клуб тараздық футболшымен келісімшарт жасаспақ.

Stan.kz