Елімізде адамның аты жазылған автонөмірлер пайда болуы мүмкін

Мәжілісмен Омархан Өксікбаев Еуропа, Америкадағыдай көлікке нөмірдің орнына иесінің есімін жазуға рұқсат беруді ұсынды деп хабарлайды КТК арнасына сілтеме жасаған NUR.KZ.

Депутаттың айтуынша, нөмірдің орнына адамның аты мен көліктің қай аймақта тіркелгенін көрсететін белгі болса жетеді.

Ал азаматтар машинасына өз есімін жазу үшін бөлек ақша төлейді. Оның бағасы кем дегенде 500 мың теңгеден басталу қажет дейді Өксікбаев. Нәтижесінде қазынаға қосымша табыс түседі.

«Бізде де байлар бар өзінің атын жазып алғысы келетіндер. Неге оны енгізбеске? Онда оның бағасын бюджетке қомақты қаржы түсетіндей көлемді қояйық. Ертеңгісін атын жазып алып жүретін адам болса, жүре берсін. Бұл нөмір машинаның жеке айқындайтын белгісі. Сондықтан ол жерде тұрған артықшылық ештеңе көріп тұрған жоқпын», — дейді мәжіліс депутаты Омархан Өксікбаев.