«Балқия» әнінің бағы жанды

Әнші Ұланғасыр Қами «Ұйқым келмейді» бағдарламасына сұхбат берген кезінде хит әндері көрермендердің көзайымы болғаны туралы сөз етті.
«Менің бағытым – 80-90 жылдардағы сәнге айналған әндерді жаңғырту. «Қызыл раушан», «Ямахау» әндерім кеңінен таралып, халыққа ұнады. Сыртқы стилімді де сол бағытқа өзгерттім. Алғашында мұрт қойып жүрдім. Кейін мені 40 жастағы аға деп ойлады. Сосын мұртты алып тастап, шаш өсірдім. Осы имиджім өзіме ұнап қалды. Әйтпесе 25 жасқа енді толатын жас жігітпін. Раушандар шетке шығып, Балқиялар ортаға келді. Төрт ай бұрын шықса да, хит болғанына 20 күннің айналасы болды. Продюсерім Назерке келесі ән «Келінжандағы» Балқияға арналсын, – деді. Сол кісінің ұсынысымен жаздық. Той- жиындарда «Раушанды» емес «Балқияны» сұрайды. Соған қарағанда Балқияның бағы жанады-ау», – деп әзілдеді өнер иесі.

JQ-Aqparat