Азық-түлік бағасын өсірген 28 кәсіпкерге айыппұл салынды

Маңғыстау облысы сауда және тұтынушылардың құқықтарын қорғау департаменті баға үстемесін шектен тыс асырғаны үшін 28 кәсіпкерге айыппұл салды.
— Азық-түлік бағасын өсірген кәсіпкерлер міндетті түрде әкімшілік жауапкершілікке тартылады. Облыста комиссия құрылды, барлық мәселелер қадағаланып отыр. Біз салық органдарынан электронды шот-фактураларды аламыз. Үстемеақы шегі бұзылған жағдайда кәсіпкерлер әкімшілік жауапкершілікке тартылады, деді Маңғыстау облысы сауда және тұтынушылар құқықтарын қорғау департаментінің басшысы Рауан Мұхаев.
Ал облыста әлеуметтік маңызы бар тауарлардың бағасын 10%-дан асырмау бойынша «Дана», «Дина», «Анвар», «Алтын-Фуд» және «Лидер»сияқты ірі сауда желілерімен меморандум жасалған.

JQ-Aqparat