Атышулы Байзақова: Бұрынғы махаббатымнан өш алып жүрмін

Атышулы Айжан Байзақова Instagram желісінде жартылай жалаңаш суреттері мен ерсі әрекеттерін бұрынғы жігітінен өш алу үшін жасап жүргенін айтты. Tengrinews.kz сайтына сұхбат берген блогер клубтағы әрекеті үшін кешірім сұрауға міндетті емес екенін жеткізді деп хабарлайды NUR.KZ.

«Мен қай жерде болмайын жұрттың назары өзімде болғанын жақсы көремін. Олардың мені жақсы немесе жек көруі аса маңызды емес, бастысы назарлары болса болды. Өзім айта бермейтін нәрселер бар. Бірақ мұның бәрі еркектер үшін. Мен ылғида: «Әйел бұзылса, оған себепкер ер адам» деп айтамын.

Демек оған ер азаматы назар аудармады немесе оның жаны ауыратын нәрсе жасады. Сосын әйелдер өш ала бастаймыз. Менің Instagram парақшамның 20% өш алудан тұрады.

Мен одан кегімді алдым ба білмеймін, тіпті ол менің парақшамда бар -жоғы да белгісіз. Жақсы қыздар үшін барлық ер адамдардан өш алып жүрмін.