Астанадағы бір көшеге мажар ақыны Шандор Петефидің есімі беріледі

Астанадағы жаңа көшелердің біріне атақты мажар ақыны Шандор Петефидің есімі беріледі. Бұл туралы Президент Қасым-Жомарт Тоқаев Мажарстан Премьер-Министрі Виктор Орбанмен Ақордадағы кездесуден кейінгі бірлескен мәлімдемесінде айты.
«Мажар үкіметінің қолдауымен соңғы 10 жылда Қазақстан студенттеріне білім гранттары бөлініп келеді. Көп жастарымыз Мажарстанның жетекші жоғары оқу орындарында білім алып жүр. Жаңа ғана осы бағдарламаны жалғастыру жөніндегі меморандумға қол қойылды. Бұл құжат білім саласындағы байланысты одан әрі тереңдетуге жол ашады. Биыл мажар халқының ұлы перзенті Шандор Петефидің туғанына 200 жыл толды. Осыған орай бүгін Астанада жаңа көшеге ақынның есімі беріледі. Біз көпжақты дипломатияны одан әрі нығайтуға ерекше мән береміз», — деді Қасым-Жомарт Тоқаев.

JQ-Aqparat