Зілтемірші Айдар Қазов Дохадағы Азия Кубогында «алтын» еншіледі

Қазақстандық Айдар Казов 77 келіге дейінгі салмақ санатында ауыр атлетика бойынша Азия Кубогының жеңімпазы атанды. Айдар қоссайыс жиынтығында ирандықтан бір балға озып, 317 (140+177) келі көтерді.

ҚазАқпарат хабарлағандай, осы санатта жарысқа түскен бағы бір спортшымыз 19 жастағы Жасұлан Қалиев алтыншы орын иеленді, деп хабарлайды sports.kz. Еске салсақ, 14-17 қазанда Дохада (Катар) ауыр атлетика бойынша бірден екі турнир өтуде: Азия Кубогы және Катар Халықаралық кубогы. Қазақстаннан бұл жарыстарға төрт спортшы қатысуда: Айдар Казов (77 келіге дейін), Жасұлан Қалиев (77 келіге дейін) Селімхан Әбубәкіров (105 + келі), Александра Аборнева (75+ келі).