Жұрттың малын бағуымыз да мүмкін еді: Жазира Байырбекова отбасылық өмірінің алғашқы кездерін айтты

25 қараша 2024, 11:19

Әнші Жазира Байырбекова «Мамский әңгіме» жобасында отбасылық өмірінің алғашқы кездерін еске алды.

«Ауылда жүрген кезде бәріне көніп жүрдім. Жұмыссыз жүрдік бәріміз. «Жанболат пен Жазира мал бақтыратын шығармыз» деді. Үлкендер не айтса солай болады. Мал бақтырамыз дегенде, қай ыдысты алып кетсем екен деп жүретін едім», — деп еске алды әнші сұқбатта.

Әнші қазір 45 жастан асқанда өмірдің өмірдің бақытын, рахатын енді көріп бастаған сияқтымын деді.

«Қазбек мектепте оқып жүргенде айтамын. Біздің мал бағуымыз да мүмкін еді. Өзіміздің емес, жұрттың малын. Сен малшының баласы да болуың мүмкін еді. Сондықтан мұндай жерде өлсем де тұрмас едім, деп айтуға болмайды деймін. Менің кез келген жерде тұруым мүмкін еді. Алла Тағала бізді осы жолға әкеліп, бәрін реттеп, «сенің өмірің мынау деп көрсеткендей» болды», — дейді әнші Жазира Байырбекова.