«Жұлдызбен жан құрбы едік». Диляра Тәжімбетова ақталуға тырысты

Сурет: Jasqazaq/видеодан кадр

Жұлдыз Әбдікәрімова «алдады» деп айыптаған Диляра Тәжімбетова баспасөз мәслихатын өткізді, деп хабарлайды jasqazaq.kz КТК телеарнасына сілтеме жасап.

Жұлдызбен жан құрбы болғанын айтқан Диляра «арадағы алауыздық жақында басталды» дейді.

«Тұмар Гранд Вилладж» коттедж қалашығында Жұлдыздың үйінің құрылысы аяқталып, берілер тұста кикілжің шыққан. Қалашықтың иесі Диляра Тәжімбетованың туған інісі екен. Қала әкімдігі әр үйге тиесілі жер телімдерін бөліп, құжатын жасауды созып жіберген. Жұлдыз бен Диляраның достығына осы кезде сызат түскен. Коттедждің кілтін жақын арада алмайтынына көзі жеткен Жұлдыз Әбдікәрімова айырбасқа кеткен 160 млн теңге тұратын Астанадағы пәтерін кері қайтаруды талап етеді.

«Полициядан бастап, сот инстанцияларының табалдырығын тоздырып жүрген Жұлдыздың барлық әрекеті заңға қайшы, ал сөздері қып-қызыл өтірік» — деп салды Тәжімбетова. «Тұмар Вилладжағы» коттеджі үшін 24 миллион теңге қарыз болып қалды» деген Жұлдыздың экс-құрбысы жала жабу дерегі бойынша полицияға арыз жазған.

Диляра Тәжімбетова мұнымен де қоймай, Жұлдыздың жеке өмірі туралы да біраз әңгіме айтты. «Төрт сағат ішінде Жұлдыз 10 жыл өмірі қалай өткенін айтты. Мен бұрын Жұлдызды танымағанмын. Барлығымыз Қайратты жақсы әнші ретінде жақсы көреміз, еліміздің азаматы. Бірақ Жұлдыздың кішкене айтқан әгімесінен шок болдым. Тіпті қорқып кеттім. Ажырасайын деп жатқан жоспарын айтты, сол таңда Қайратпен тұрмайтынын айтты», — дейді ол.

Azattyq-ruhy сайты жазағандай, Диляра Тәжімбетованың інісі Диар Тәжімбетов ірі алаяқтық жасады деген күдікпен қазір тергеуде отыр. Диляра Тәжімбетова оны растады. Оған қоса Д. Тәжімбетованың үстінен тағы 6 адам арыз түсіргенін айтылды.

JQ-Aqparat