Жыланнан қорықпайтын батыл қыздар жұртты шошытты (видео)

Индонезияда алып жыланнан қорықпай, оның үстіне отырып алған батыл қыздар жұртты шошытты. Оқиға орнынан түсіріліп, Facebook парақшасына жүктелген видео көпшілік арасында қызу талқыға түсті.
NUR.KZ.   хабарлағандай, әдетте алып жыланға тап болған кез келген адам бірден қаша жөнеледі. Алайда, бұл тұжырым индонезиялық бүлдіршіндерге тән емес сыңайлы.

Жыланды ат ұқсатып, оның үстіне отырып алған балақайларды тіпті біреу бейнекамераға түсіріп алған. Бала өміріне қауіп төніп тұрған жағдайда видео түсірген адам көпшілік сынының астына бірінші болып түсті.    Бейнежазба аздаған уақыт аралығында жеті миллион қаралым жинап үлгерді.

Желі қолданушылары видео астына өз наразы пікірлерлерін жарыса жаудырды.   «Балаларды енеңе тастап кетсең осындай жағдайлар орын алып тұрады», -деп жазды оқырман.
«Балаларды жұтып қойса қайтеді? Ол үшін видео қаралымы маңыздырақ сияқты ғой. Бүлдіршіндер өмірі қауіп үстінде тұрса, бұл видео түсіріп әлек», — деп ашуын білдірді желі қолдаушы.