Жоқ затты сатып байығандар ұсталды

Шымкентте жоқ бренд заттарды теңгеге сатқан алаяқтар ұсталды. Polisia.kz хабарлағандай, осы қылмысқа қатысы бар 22 жастағы тараздық тұрғын мен оның Алматы мен Шымкенттегі екі досы ұсталған.

Олар әлеуметтік желіде брендтік аяқ киім мен сөмкелер сататын жалған интернет-дүкен ашып, түпнұсқа тауарлардың фотосуреттерін жүктеп жариялап отырған. Сатып алушыларға жеткізу шарттарын түсіндіріп, төлемді аударым жасау арқылы немесе қашықтықта төлеу шотын жіберу арқылы алған. Бренд затын ұзақ күтіп, сол күйі ала алмаған тапсырыс берушілер полицияға арызданған. Бірнеше рет жасалған алаяқтық бойынша қазіргі таңда тергеу жүргізіліп жатыр. Күдіктілер қамауға алынды. Онлайн-алаяқтардың әрекетінен зардап шеккендер еліміздің барлық аймағында болуы мүмкін.

JQ-Aqparat
Сурет: рolisia.kz