Жігітінің денсаулығына ауыр зардап келтірген қыздың ісі сотта қаралып жатыр

12 сәуірде Астана қаласы Есіл ауданының № 2 сотында атышулы іс бойынша басты сот отырысы өтіп жатыр, — деп хабарлайды Tengrinews.kz тілшісі соттың баспасөз қызметіне сілтеме жасап.

Ведомство өкілдері жігітінің денсаулығына қасқана ауыр зардап келтірген әйелдің ісі жабық түрде қаралып жатқанын түсіндірді. Еске салайық, әлеуметтік желі мен мессенджерлер арқылы Астана қаласында тұратын әйел өзінің кездесіп жүрген жігітінің денсаулығына ауыр зардап келтіргені туралы құжаттың суреті таралған еді. Құжатта көрсетілген әрекет этикалық түсініктерге байланысты сипатталмайды. Кейін Астана сотының өкілдері соттың жабық қаулысындағы әйелдің суретін таратуға қатысы жоқтығын мәлімдеді. Сол кезде күдікті әйелдің екі ай мерзімге қамауға алынғаны да айтылды. Істің өзге тұстары айтылмады. Мұндай істер заң бойынша жабық қаралады.