jasqazaq.kz

Жеткіншектер жеңіспен оралды

03 желтоқсан 2021, 13:02

Соңғы жылдары эстетикалық гимнастика деген спорт түріне қызығушылардың саны күн санап артып келеді. Балалар кез келген жастан қатыса алатын эстетикалық гимнастиканы көзтартар ерекшелігіне қарай «кілем үстіндегі синхронды жүзу» деп те айдар тағып, бәсін биіктетеді. Командалық спорт түрі болғандықтан, гимнасшылардың тыныс алуы, кірпік қағысы, ым-ишарасы да бір мезетте болуы бағаланады.

Жуырда командалық рух пен ынтымаққа баулитын эстетикалық гимнастикадан әлем чемпионаты және әлем кубогы өтті. Финляндияның астанасы Хельсинки қаласында өткен әлемдік додаға Қазақстан эстетикалық гимнастика федерациясына қарасты клубтағы талантты гимнасшылар қатысты. 8-10, 10-12, 14-16 жас шамасы бойынша топқа түскен жеткіншектеріміз жүлдемен оралды. Алматы қаласындағы «Tamos», «Bravo» көркем гимнастика мектебінің шәкірттерін аға бапкер Жаннэт Жабоева мен хореограф Мәдина Досқожаева бастап барды. 8-10 жас аралығындағы жеткіншектер сайысында «Олимпия» клубының спортшылары әлем кубогының иегері атанды. 10-12 және 14-16 жас мөлшері бойынша өткен әлемдік сайыста «Даймонс» пен «Санрайс» клубының гимнасшыларына 4-орын бұйырды.

Қазақ елінің көркем гимнасшылары аренада өнер көрсеткенде спорт кешеніндегі халықтың қошемет, құрметі ерекше болды.

Әлем кубогы мен дүниежүзілік чемпионатты ұйымдастырушылар жас спортшыларды Хельсинки қаласынан 1100 шақырым шалғай жатқан Рованиеми шаһарына, Санта-Клаустың отанына сапарлатты. Бір күндік серуенде балалар Аяз атаға арман-тілектерін жазып қалдырды. Ертегілер әлеміне саяхаттап, серпіліп қайтты.

Рәсима Әкімбекова,
Алматы – Хельсинки – Алматы

Бүгін, 15:35
Алматыда экологиялық талаптар күшейтілді
Бүгін, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
Бүгін, 14:05
Қорғаныс саясатындағы стратегия: жаңа тұрпатты Қарулы Күштер
Бүгін, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр
12 қараша, 14:55
Шымкентте қауіпсіздік инфрақұрылымы кеңейіп келеді
10 қараша, 20:03
«COP31»: Әділ, теңгерімді көзқараспен нақты нәтижеге
10 қараша, 16:00
Азамат Ешанқұл: Алматыдағы қоғамдық көліктің 81,2%-ы экологиялық таза отынға көшті