Жаз айында Аяз ата болып келген полицей

1 маусым — Халықаралық балаларды қорғау күні мерекесіне орай өскемендік полицейлер балалар үйінің тәрбиеленушілерін Аяз атамен қуантты.
NUR.KZ хабарлағандай, далада — жаз, ал Өскемендегі балалар үйінде — қыс. Мерекеге арнайы тәртіп сақшылары ғана емес, тіпті Аяз атаның өзі келген. Қалыптасқан дәстүр бойынша, балалар түрлі ойындар ойнап, сыйлықтар ұтқан. Аяз атаны шыр айналып, оған өлеңдер оқып, жаздың не екенін айтып берген.
«Біз балаларға мерекелік көңіл-күй сыйлау үшін алдын-ала ойыншықтар, киімдер мен түрлі-түсті шарлар сатып алдық», — деді Өскемен қаласының ІІД баспасөз қызметі өкілі.
Айта кететін жайт, тәртіп сақшылары бірнеше жыл қатарынан ата-анасының қарауынсыз қалған балаларға өз қамқорлығын көрсетіп келеді.