Жасанды интеллект болашағымызға қауіп төндіріп тұр ма?

Мәжіліс отырысында депутат Магеррам Магеррамов ChatGPT-ден қауіптенетінін жеткізді, деп хабарлайды jasqazaq.kz.

Депутаттың айтуынша, мектеп оқушылары тапсырманы орындау үшін жасанды интеллектінің көмегіне көп жүгінетін көрінеді.

“Жасанды интеллект — ChatGPT мектеп тапсырмаларын, жаттығуларды, романдардың қысқаша мазмұнын және т.б. жасауға қабілетті. Барлығымыз түсінетіндей, оқытудың мұндай тәсілі сыни ойлауды төмендетеді және алынған білімге теріс әсер етеді. Маңызды шешімдерді өз бетінше қабылдауда қиындықтарға әкеледі. Осы қарқынмен елдің орасан зор зияткерлік әлеуетін жоғалтып алу қаупі бар. Бір ғана фотоматериалға ие болу арқылы азаматтың толық шынайы биометриялық суретін жасай алады. Бұл жағдай қимыл-әрекеттерді бәсеңдетуге арналған бомба тәрізді болып отыр,”- деді депутат.
Сондай-ақ Махаррам Махаррамов нейрондық желілер фотосуретті кез келген видеоға айналдыра алатынына қатысты алаңдаушылығын да білдірді. Ниеті арам адамдар мұны қолында бар қауіпті құралға айналдырып жіберуі бек мүмкін екенін де жеткізді.

JQ-Aqparat