Жәнібек Әлімханұлы 2017 жылдың ең үздік менеджерімен келісімшартқа отырды

Жақында ғана кәсіпқой боксқа біржолата ауысқан Жәнібек Әлімханұлы 2017 жылдың ең үздік менеджерімен келісімшартқа отырды, – деп хабарлайды Qsport.kz порталы.

Бокстан Азия, Азия ойындары мен Әлем чемпионы Жәнібек Әлімханұлы The Ring журналының нұсқасы бойынша 2017 жылдың ең үздік менеджері, үш салмақта әлем чемпионы атанған Василий Ломаченконың менеджері Эгис Климаспен келісімшартқа отырды. Бұл туралы боксшының өзі БАҚ өкілдері үшін өткізген ашық жаттығуында айтты.

«– Америкаға үлкен жоспармен кетіп барамыз. Эгис Климаспен ресми келісімшартқа отырдық. Бірақ промоутерлерді әлі қарастырып жатырмыз. Өйткені көптеген промоутерлерден ұсыныс түсіп жатыр. Командамызбен ақылдасып, бір шешімге келеміз деген ойдамын», – деді Жәнібек.

Айта кетейік, Жәнібек Әлімханұлы кәсіпқой бокста 2 жекпе-жек өткізіп, барлығында жеңіске жеткен болатын. Ол соңғы кездесуін Астанадағы «Сарыарқа» велотрегінде Ислам — Кук арасындағы жекпе-жектің андеркартында өтті. Ол бразиялық Жильберту Перейра дос Сантоспен (14-5-0) 6 раунд жұдырықтасып, төрешілердің бірауыздан шешімі бойынша жеңіске жеткен еді.