Заттыбек Көпбосынұлы: Жап-жас балалар данышпан сияқты ақыл айтады

Танымал әнші Заттыбек Көпбосынұлы әлеуметтік желіде отырып, ақыл айтатындарды сынады. Stan.kz хабарлағандай, өнер иесі жастардың ақыл айтуға жақын болғанын жақтырмайтынын айтты.

“Ақыл айтқыштар көбейіп кетті. Ішінде жап-жас інілеріміз, жап-жас қарындастарымыз бар. Олардың қаншалықты өмір сүріп, қаншалықты ой түйгендерін қайдам бірақ, данышпан адамға ұқсап ақыл айтады. Кейбіреулерінің теріс қылықтары, теріс пайымдары көп. Бұлардың көбеюі халықтың соларды көріп, соны қолдап жатқанының әсері ғой. Өйткені менің өзім желіге жақында бір коучтарға ұқсатып видео жүктеген едім. Оның қаралымы да, таралымы артып кетті. Сәл бір қисайып сөйлеп, хайпқа жақын дүниелер жасасаң, оны халық өзі таратып, өзі танымал етеді екен. Ал рас дүниелерге қызығатындар аз» – деді әнші.

JQ-Aqparat

Фото: sadaqmedia.kz