Үшінші алтынға ие болды

АҚШ-тың Лэйк-Плэсид қаласында өтіп жатқан қысқы Универсиада ойындарында ел қоржынына үшінші алтын медаль түсті. Биатлоннан 10 шақырымдық спринтте Бекентай Тұрлыбеков Универсиада чемпионы атанды. Додаға Бекентайдан бөлек еліміздің атынан Вадим Куралес, Александр Мухин, Кирил Бауэрде қатысқан. Тұрлыбеков мергендігімен де дараланып, уақыт нәтижесі бойынша да оқ бойы озық келді. Күміс медаль американдық Бьорн Уэстервелтке бұйырса, қола жүлдені тағы бір жерлесіміз Александр Мухин олжалады.

Студенттердің қысқы аламаны саналатын Универсиада додасында біздің спортшыларымыз сәтті өнер көрсетіп келеді.