Ұшақ апатынан қаза тапқан қазақстандықтардың отбасыларына көмек көрсетіледі

Ақтаудағы ұшақ апатынан кейін жедел құрылған Үкімет комиссиясы штаб отырысын өткізді, деп хабарлайды jasqazaq.kz.

Маңғыстау облысы әкімдігінің мәліметінше, Премьер-министрдің орынбасары төтенше жағдайлар, ішкі істер, денсаулық сақтау министрліктері, Азаматтық авиация комитеті өкілдерінің есептері тыңдалды.
Төтенше жағдайды реттеу үшін Үкімет барлық қажетті шараларды қабылдайды. Вице-премьер Қанат Бозымбаев құтқару жұмыстарын жалғастыру, зардап шеккендерге қолдау көрсету және қаза тапқандардың отбасыларына көмек көрсету бойынша тапсырма берді.
Ұшақ апатынан қаза тапқан қазақстандықтардың отбасыларына қаржылай көмек көрсетіледі. Сондай-ақ Маңғыстау облысына келген қаза болған шетелдік азаматтардың жақындарына да қажетті көмек беріледі.

Кеше вице-премьер Қанат Бозымбаев Ақтауға барып, апаттан аман қалған адамдардың хал-жағдайын білді.
JQ-Aqparat
Сурет: sputnik.kz