Түркістан: Есірткіге қарсы күрес тоқтамайды

11 сәуiр, 14:22

Мемлекет басшысы Қасым-Жомарт Тоқаев халыққа Жолдауында есірткінің, оның ішінде синтетикалық есіркінің таралуы – болашақ ұрпақтың өміріне қауіп төндіретінін атап көрсеткен болатын. ХХІ ғасырдың тажалы – есірткінің таралуына тосқауыл қойылып, нашақорлыққа қарсы күрес бір сәтке де тоқтамауы тиіс. Осы орайда Түркістан облысының полициясы есірткі бизнесі мен оны таратуға қарсы аяусыз күрес жүргізетінін айту керек.

Жуырда Түлкібас ауданының полицейлері жедел-іздестіру іс-шаралары барысында есірткі заттарын сақтағаны және өткізгені үшін 32 жаста жергілік тұрғынды ұстады. Оның тұрғылықты мекенжайын тексергенде марихуана мен «мефедронға» ұқсас психотроптық заты бар 19 ораманы тәркіленді. Оған қоса, қарасора тұқымы мен есірткіні қолдануға арналған құрылғы табылды. Психотроптық заттардың жалпы мөлшері шамамен 15 дозаны құрады.

Күдікті қамауға алынып, қылмыстық іс қозғалды.

Сарыағаш ауданының полициясы да жедел-іздестіру іс-шарасы кезінде есірткі затына ұқсас өсімдік сақтаған ер адамды анықтады. Жедел-тергеу тобы келіп түскен ақпарат көздері арқылы күдікті тұрғынның тұрғылықты мекенжайына тінту жүргізді. Ер адамның қалтасынан қағазға оралған өсімдік тектес есірткі табылып, тәркіледі. Табылған затқа сараптама жасалған соң, 2 доза «мефедрон» екені анықталды. Сөйтіп бұрын сотты болған күдікті қамауға алынып, қылмыстық іс қозғалды.

Ордабасы ауданында да қарт ер адам есірткі сақтады деген күдікке ілінді. Учаскелік полиция инспекторлары мен жедел уәкілдер қызмет атқару барысында жергілікті тұрғыннан есірткі заттарын тапты.

Оқиға орнына жедел-тергеу тобының қызметкерлері келіп, тінту жүргізді. Ауладағы сарайдан полиэтилен пакетке салынған есірткіге ұқсас зат анықталып, тәркіленді. Сараптама айғақты заттың «гашиш» екенін, салмағы 70 г екенін дәлелдеді. Есірткіні сақтау фактісі бойынша қылмыстық іс қозғалды. Түркістан облысы ПД баспасөз қызметі хабарлағандай, тергеу жүріп жатыр.

JQ-Aqparat

Суреттер: Түркістан облыстық полиция департаментінің баспасөз қызметі

24 мамыр, 14:41
Түркістан: Келес ауданында тұрмыстық зорлық-зомбылықтың алдын алу жұмыстары жүріп жатыр
23 мамыр, 15:27
Түркістандағы тәртіп сақшылары қауіпсіздікті қамтамасыз етіп, заңды да түсіндіреді
23 мамыр, 15:01
Түркістан: Бала қауіпсіздігін қамтамасыз ету – басты міндет
23 мамыр, 13:55
Түркістан: Ордабасы ауданында профилактикалық шаралар күшейтілді
23 мамыр, 12:35
Теріс пиғылды діни ағымды тек идеологиямен жеңу керек
23 мамыр, 10:55
Түркістан: Кентауда профилактикалық шаралар жалғасуда
22 мамыр, 15:44
Түркістан: Арыс ауданында «Жасөспірім және жауапкершілік» іс- шарасы өтуде
22 мамыр, 15:29
Түркістан: Полиция 180 қылмыстың ізін суытпай ашты
22 мамыр, 12:02
Түркістан: Шардара ауданында «БОРЫШКЕР» жедел профилактикалық іс-шарасы өтуде