Трамп Путинмен келіссөздер жүргізілетінін хабарлады

Сурет: Kremlin.ru

АҚШ-тың жаңадан сайланған президенті Дональд Трамп Ресей президенті Владимир Путиннің онымен кездесуге ниет білдіргенін және қазір оған дайындық жүріп жатқанын айтты, деп хабарлайды jasqazaq.kz.

«Ол кездескісі келеді, біз оны ұйымдастырамыз», — деді Трамп Флоридадағы Мар-а-Лаго резиденциясында республикашыл губернаторлармен кездесу алдында.

Дегенмен, Трамп екі көшбасшы арасындағы ықтимал келіссөздің уақытын нақтыламады.

Владимир Путин өткен жылғы 19 желтоқсандағы баспасөз мәслихатында Траммпен кез келген уақытта кездесуге дайын екенін мәлімдеді.

JQ-Aqparat