Теміртауда бес қабатты тұрғын үй өртенді (видео)

Теміртауда бес қабатты тұрғын үйдің екінші қабатындағы пәтер өртенді. Тұрғын үйден 8 адам қауіпсіз жерге көшірілді, оның екеуі бала, деп хабарлайды Қарағанды облысының ТЖД баспасөз қызметі.

«21 ақпан күні сағат 10:53-те Теміртау қаласының О.Тищенко көшесіндегі үйден өрт шыққаны туралы хабарлама келіп түсті. Бес қабатты тұрғын үйдің 2-ші қабаттағы пәтерінде жалпы ауданы 8 шаршы метр алаңда ағаш қалқан және үй заттары жанған. Өрт сағат 11:31-де толық сөндірілді. Құтқарушылардың күшімен подъездегі пәтерлерден 6 адам, оның ішінде 2 бала құтқарылып, 8 адам қауіпсіз жерге көшірілді. Оқыс оқиғадан ешкім зардап шекпеді», делінген хабарламада.

Қазіргі мәлімет бойынша өрттің шығуына электр сымдарының қысқа тұйықталуының себепші болды деген болжам жасалды.

 

Посмотреть эту публикацию в Instagram

 

Публикация от Қарағанды облысының ТЖД (@qaragandy_tjd)