Тарихтың терең тамыры

24 мамыр 2018, 17:03

Жүніс Әміре атындағы түрік мәдени орталығының ұйымдастыруымен Астандағы Ұлттық музейде «Осман мемлекеті мен Орта Азия хандықтары қарым-қатынасының құжаттары» атты көрме өтті.

«Рухани жаңғыру» бағдарламасы аясында ұйымдастырылған көрмеге Орта Азия хандықтарының қарым-қатынасын баяндайтын 40 құжат қойылды.

Олардың барлығы Түркияның мұрағатынан алынған. Құжаттар арасында қазақ ханы Мұхаммет Қайып хан мен Осман сұлтанының 1713 жылы жазылған хаттары елімізде алғаш рет ұсынылды. Сондай-ақ Бұхара, Хиуа және Қоқан хандықтары мен Осман мемлекетінің қарым-қатынасын куәландыратын хаттар, маңызды деректер мен карталар да көрмеге қойылды. Экспонаттар арасында Түркия мемлекеттік архиві тарту еткен қазақтардың түркі көшіне қатысты қосымша құжаттар да бар.