Шымкенттен шыққан көлік жүргізушісі мас күйде 40 жолаушыны тасымалдаған (Видео)

Астана-Петропавл тасжолының 232-шақырымын патрульдеу барысында ақмолалық полицейлер Van Hool маркалы автобусты тоқтатты. Рөлде Түркістан облысының 50 жастағы тұрғыны отырған, деп хабарлайды Otyrar.kz.

Басылым мәліметіне сүйенсек, тексеру барысында жүргізушіден алкогольдің иісі шыққан. Тәртіп сақшылары оған бірден Бурабай аудандық ауруханасына медициналық куәландарудан өтуді ұсынады. Онда дәрігер ер адамның орташа дәрежедегі алкогольді масаң күйде екенін анықтаған. Автобус салонында Шымкенттен шыққан 40 жолаушы отырған. Аталған факті бойынша жүргізуші ӘҚБтК-нің 608-бабы 1-бөлігіне сәйкес әкімшілік жауапкершілікке тартылды. Ал автобус басқа жүргізушімен тиісті нүктеге аттанды.