Шымкентте «Пайызсыз баспана» қаржы пирамидасын ұйымдастырушылар сотталды

Шымкент қаласының қылмыстық істер жөніндегі ауданаралық сотының үкімімен қаржы пирамидасын құру және оған басшылық етумен «Пайызсыз Баспана» тұрғын үй ұйымының басшысы мен қызметкерлері 3 жылдан 6 жылға дейінгі мерзімге бас бостандығынан айыру жазасына сотталды.
Қалалық прокуратураның мәліметінше, олар Шымкент, Алматы, Астана қалаларында 2019-2021 жылдары аралығында «Инстаграм» әлеуметтік желісі арқылы салымшы тартып, төмен бағамен баспана әперуге уәде берген.
Бірақ салымшылардың қаражатына өздерінің қажеттілігі үшін автокөлік пен жылжымайтын мүліктер алғандары анықталды. 134 жәбірленушіге 171 млн теңгеден астам көлемде залал келтірілген.
Сот үкімі әлі заңды күшіне енген жоқ.

JQ-Aqparat