Шымкентте мейрамхана отқа оранды (видео)

11 мамыр 2018, 17:37

Бүгін Шымкентте «Гараж» мейрамханасынан өрт шығып, ғимараттың үстіңгі қабаты өртеніп кетті.

Оқиға орнына ондаған өрт сөндірушілер мен арнайы техника жұмылдырылып, аумақта барлық қауіпсіздік шаралары жүргізілді. ҚР ІІМ Төтенше жағдайлар комитетінің ресми өкілі Руслан Иманқұловтың айтуынша, өрт түс ауа шыққан. «11-ші мамыр күні Шымкент қаласындағы Республика даңғылы 12 а үйле орналасқан 1,5 қабатты «Гараж» мейрамханасынан өрт шықты. Өрттен 2 адам құтқарылды. Жалынның аумағы анықталып жатыр. Өрт 16.58-де толықтай сөндірілді»,- деді Руслан Иманқұлов. Өрттің бейнекөрністері мен суреттері де әлеуметтік желілерге тез тарап кетті. Қаланың өрт сөндірушілердің жүйелі жұмыстарының арқасында тілсіз жау толықтай ауыздықталды.