Шымкентте мейрамхана отқа оранды

Шымкентте мейрамхана отқа оранды. «Алтын ана» салтанат сарайының өртеніп жатқан сәті тез арада әлеметтік желілерге тарады, деп хабарлайды ҚазАқпарат.

Куәгерлердің айтуынша, тойхана санаулы минуттардың ішінде өртке оранған. Тілсіз жау ғимараттың жанындағы дүкен мен дәріханаға таралған. 18 мөлтекаудан маңындағы Рысқұлов көшесінің бойында орналасқан тойханадағы жалынды ауыздықтауға өрт сөндірушілер мен сегіз техника жұмылдырылған. Сондай-ақ, өртті сөндіруге төтенше жағдайлар қызметінің мамандары да шақыртылды. Бастапқы болжам бойынша өрттен ешкім зардап шекпеген. Облыстық ТЖД бастығы Нұрболат Дербісов осы оқиға бойынша толыққанды ақпарат кейін таратылатынын мәлімдеді.