Шымкентте балалар адамның мәйітін тауып алды

30 қантар 2018, 14:21

Шымкентте гараждардың арасынан адамның денесі табылды. Көп қабатты үйлердің маңында көмулі жатқан мәйтті, ойын балалары көріп қалған деп хабарлайды ТВК арнасы.

Басылымның хабарлауынша, қылмыстық әрекет 21 ші желтоқсан күні болған.

Кісі өлтіріп қылмысын жасыруға тырысқан күдікті мәйтті сол күні таңғы 4-тер шамасында гараждардың арасына көме салыпты.

Еңбекші аудандық полиция бөлімінің жедел іздестіру тобы, күдіктіні көпке ұзатпай Қайнарбұлақ саяжайында ұстаған.

1990 жылғы жігіт күдіктінің айтуынша, ол марқұммен бірге спирттік ішімдік ішкен екен. Отырыс соңында масайып қалған екі азаматтың арасында жанжал туындап, соны кісі өлімімен аяқталған.

Жан тапсырған 1974 жылғы азамат бұрын сотталған болып шықты.