Шымкент: Мектепке дейінгі білім беру ұйымдарының мақсаты айқын

Биыл Шымкент қаласында мектепке дейінгі білім беру ұйымдарының саны артты. Қала бойынша барлығы 577 мектепке дейінгі ұйым, оның ішінде – 505 бірлік жекеменшік мектепке дейінгі ұйымдар. Мектепке дейінгі ұйыммен қамтылған барлық бала саны – 77 764, оның ішінде жеке мектепке дейінгі ұйымда – 50 782 бала. 3-6 жастағы балаларды қамту – 100%, 1-6 жас – 88,6%. Мектепке дейінгі ұйымдардың желісі жекеменшік мектепке дейінгі ұйымдардың есебінен ұлғаюда, деп хабарлайды Шымкент қаласы Білім басқармасының баспасөз қызметі.

2018 жылы 1653 орынға 14 жекеменшік балабақша ашылған, ал 2019 жылы 1769 орынға 24 жекеменшік балабақшалар ашылды. 2021 жыл басынан 2700 орынға 30 жекеменшік балабақшалар ашылды. Бүгінде мектепке дейінгі ұйымдарға 1-6 жастағы 9974 бала кезекке тіркелген. Балаларды кезекке қою мен жолдамаларды беру автоматтандырылған. Бұл осы шараның айқындығына, жемқорлық қауіптерін болдырмауға, бәсекелестік ортасын құруға және кезектілікті азайтуға ықпал етті.

Шымкент қаласы Білім басқармасының басшысы Нұргүл Шамшиеваның айтуынша, балаларды қауіпсіз болуына жағдай жасау, балалардың өмірі мен денсаулығын қорғау мектепке дейінгі ұйымдардың басты міндеттерінің бірі.

«Мектепке дейін білім беретін ұйымның жұмысы әр балаға сапалы білім беру. Сонымен қатар балалар қауіпсіздігіне жағдай жасау мақсатында мектепке дейінгі ұйымдарда бейнебақылау камералары жатын және ойын бөлмелерінде, дәліздерде орнатылған. Шымкенттегі 71 мемлекеттік балабақшада 1442 бейнекамера жатын және ойын бөлмелерінде, дәліздерде орнатылған. Сондай-ақ мемлекеттік балабақшаларға толығымен бейнебақылау жүйесін орнату жұмыстары жүргізілуде»,-деді Білім басқармасының басшысы.

2022 жылы 3 457 орынға мемлекеттік тапсырыс берілді. 2 балабақшаға күрделі жөндеу жүргізу үшін 697,2 млн теңге қаржы қаралды.
2022 жылы жоспарланған 28 балабақшаның 1727 орынға 24 балабақша ашылды (2 480 орынға).

Мектепке дейінгі ұйымдардың педагог кадрлары Мектепке дейінгі білім беру ұйымдарында 5718 педагог қызметкерлер жұмыс атқаруда. Оның ішінде, мемлекеттік мекемелерде 2303, жекеменшік мекемелерде 3415 педагог. Мектепке дейінгі мекемелердегі педагог қызметкерлердің біліктілігін арттыру бойынша 2022 жылы Педагогикалық шеберлік орталығында және «Адамның үйлесімді дамуы ұлттық институты» базасында 625 педагог біліктіліктерін жетілдірді.

JQ-Aqparat
Cурет: Шымкент қаласы білім басқармасы