Шоқан Маратұлы даулы видеоға жауап берді

Шоқан Маратұлы желіде тарап кеткен даулы видеоға қатысты ресми мәлімдеме жасады. Әнші өзге қызбен билеп жүрген видеосын әйеліне жібере бермеуді өтінді. Сондай-ақ, Шоқан атын қаралап, жала жабуға тырысқан жандарға ренішін білдірді, деп жазады Stan.kz.

“Ресми мәлімдеме. Желіде тарап кеткен видеоға қатысты берер жауабым: ол – фейк. Видео екі жыл бұрын түсірілген. Сондықтан да оған мән бермеңіздер және видеоны менің әйеліме жіберуді доғарыңыздар. Жалған ақпарат таратып жүргендерден өзім жауап аламын”, – дейді Шоқан.

Әншінің айтуынша, базбіреулер осы сәтті пайдаланып, әншінің абыройына нұқсан келтіруге барынша тырысып жатыр.

“Осы сәтті біраз адамдар күтіп жүргендей. Олардың біреудің отбасын бұзуға деген құлшыстарын көріп таңғалдым. Ал ештеңеге қарамастан, қолдау көрсетіп, маған сенім білдірген жандарға рақмет”, – деп түсіндірді Шоқан.