Шерзат Болатты өлтіру дерегі бойынша тергеу қашан аяқталады?

Алматы облыстық прокуратурасы Шерзат Болатты өлтіру дерегі бойынша сотқа дейінгі тергеудің аяқталуға жақын екенін хабарлады.
Осы күнге дейін қажетті тергеу әрекеттері жүргізіліп, барлық күдікті ұсталған.
Прокуратура хабарламасында: «Қазіргі уақытта сараптама нәтижелері күтілуде. Сараптама қорытындысынан кейін іс процестің қатысушыларына танысу үшін беріледі. Сонымен қатар К. Нұрымовтың үйін өртеу және Н. Гаипбаевтың өз-өзіне қол жұмсауы бойынша қылмыстық істердің тергелуі Бас прокуратураның бақылауында екенін хабарлаймыз», — делінген.

JQ-Aqparat