Шалқарда әншілер жатқан қонақүйді полиция күзетті

Аты шулы Шалқар өңіріне эстрада жұлдыздары келіп жетті. Қазір жұлдыздар жатқан ауданындағы ең әдемі қонақүйді бірнеше көлікпен полиция қызметкерлері күзетіп тұр.

NUR.KZ. хабарлағандай, өңірге келген танымал әншілерді аудан әкімінің өзі күтіп алған. Пойыздан түскен эстрада жұлдыздарының алдынан шашу шашылып, әннен жыр төгілді.
Тәртіп сақшылары кімді күзетіп тұрғандарын жасырса да, жұмыста жүргендерін айтады.Ал «Сұңқар» қонақ үйінің қызметкеріне әншілерден сұқбат алғымыз келетінін жеткізген едік.

Жоғарыға барып қайтқан қызметшіге әншілер демалып жатқандарын, тілдесе алмайтындарын айтып жіберген.
Әншілердің өзі ауданға арнайы пойызбен жеткен. Таңданыстарын жасырмаған жұлдыздар үй сияқты пойызда кетіп бара жатқандарын Instagram-ға жарыса салды.