Салтанат Нүкенованың ағасы Бішімбаевтан 1,5 млрд теңге өндіріп алғысы келген

Айтбек Амангелді Қуандық Бішімбаевтан 1,5 миллиард теңге өндіріп алғысы келген. Бұл туралы informburo.kz сайты жариялады.

Сот материалдарында жазылғандай, Айтбек Амангелді жақын адамынан айрылған соң, өзі де, ата-анасы да қатты күйзеліске ұшырап, жұмыс істеу қабілетін жоғалтқан-мыс. Нүкенованың ата-анасы қайта-қайта емделуге мәжбүр көрінеді. Сондай-ақ шағымданушы қылмыстық іс шеңберінде заң қызметін көрсеткен адвокаттардың жолы мен жұмысына төлеген ақысын  қайтарып алғысы келген. Тиісінше, 8 825 070 теңге материалдық шығын, 1 500 000 000 теңге моральдық шығын өндіруді талап етіпті.

Ал Қуандық Бішімбаевтің қорғаушысы сот шығынын 1,5 млн теңге, ал моральдық өтем үшін 5 миллионнан 20 млн теңгег дейін белгілеуді өтінген.

JQ-Aqparat

Сурет: instagram.com/aitym