Ресейдің ТНТ телеарнасында «Шымкент» жайлы ән топ жарды (видео)

Қазақстандық әнші Назима Жәнібекова мен ресейлік рэпер Скруджидің «Песни на ТНТ» жобасында орындаған әні осы аптадағы үздік ән атанды.

Tengrinews.kz  хабарлағандай, бұл туралы телеарнаның Instagram желісіндегі парақшасында айтылады. Жобаның осы кезеңінде қазақстандық әнші рэпермен бірге Real One атты әнді орындап шықты. Өлеңде Шымкент қаласы жайлы да айтылады. Айта кетейік, олар бұл әнді 5 мамырда орындап шықты. Айта кетейік, ТНТ телеарнасының Youtube хостингіндегі арнасында Назима Жәнібекова мен ресейлік рэпер Скруджидің әні 2,4 миллион қаралым жинап, видеоға екі мыңнан аса пікір қалдырылған. Назима Жәнібекова 2011 жылы «Жұлдыздар фабрикасы» байқауының финалисі атанған болатын. Бұл жобада қазақстандық әнші Алла Пугачеваның «Миллион алых роз», Мэрайи Кэрридің Without You, Мұрат Насыровтың «Я это ты» және тағы басқа әндерді орындады. Ал 2014 жылы ол ALTYNGIRLS тобында өнер көрсете бастады.