Референдум: Бүгін — тыныштық күні

Кеше Орталық референдум комиссиясының төрағасы Нұрлан Әбдіров референдумға қатысушыларға ескерту жасап, үгіт-насихат 5-не қараған түні, сағат 00:00-де аяқталатынын еске салды.

Үгіт бүгін 00:00-де аяқталады. Ол уақытқа дейін үгіттеуге болады. Ертең — тыныштық күні. Бүгін түнде сағат 00:00 кейін тыныштық күні басталады. Бұл жерде ешқандай үгіт жүргізуге болмайды. Сонымен тыныштық күні және дауыс беру күні үгітке байланысты кез келген әрекетке тыйым салынады және бұл үшін заңда құқықтық жауапкершілік қарастырылады, — деді Н. Әбдіров ОСК-да өткен брифингте.

Сонымен қатар ол  қоғамдық пікірге сауал салу нәтижелерін, референдумға байланысты өзге де зерттеулер, дауыс беру нәтижелерінің болжамдарын дауыс берілетін күні БАҚ-та және онлайн платформаларды жариялауға жол берілмейтінін ескертті.

Дауыс беру күні дауыс беруге арналған үй-жайда немесе пункте қоғамдық пікіріге сауал  жүргізуге де тыйым салынады. Өтініш, мұны ұмытпайық, — деді ОСК басшысы.

JQ-Aqparat