Психологиялық проблемасы бар әскери қызметшілер әскери психологтардан көмек сұрамайды

«Көп жағдайда психологиялық проблемалары бар әскери қызметшілер әскерилерден, әскери психологтардан көмек сұрай қоймайды. Өкінішке орай, мұндай мәселе бар. Әскери мәдениетте төзімділік пен күш бағаланады. Көмек сұрау әлсіздіктің белгісі деп қабылдануы мүмкін. Психологиялық тұрақтылықтың әлсіздігі, стресті жеңу дағдыларының болмауы көп жағдайда трагедияға әкелетін факторларға айналады», – деді Қарулы күштері Құрлық әскерлерінің бас қолбасшысы генерал-майор Мереке Көшекбаев ОКҚ алаңында өткен баспасөз конференциясында.
Бұл ретте спикер психоәлеуметтік климатты жақсарту бойынша ұзақ мерзімді шаралар қабылданып жатқанын, оның ішінде командирлерді оқыту тәсілдері мен қарамағындағылармен жеке тәрбие жұмыс жүргізу әдістеріне өзгерістер енгізілетінін айтты.

JQ-Aqparat
Сурет: ortcom.kz