Президент: Елімізді дамытуға қатысты талай жылға арналған ауқымды жоспарым бар

Президент Қасым-Жомарт Тоқаев «Ana tili» газетіне берген сұхбатында әлеуметтік желіде таралған 2026 жылы Біріккен Ұлттар Ұйы­мын басқаруы мүмкін екендігі, соған орай кезектен тыс Президент сайлауы өтеді деген қауесетке жауап берді.

«Мен Біріккен Ұлттар Ұйымы бас хатшысының орынбасары және Қарусыздану жөніндегі конференцияның бас хатшысы ретінде осы ұйымның Женевадағы кеңсесін үш жылға жуық басқардым. Халықаралық үдерістердің қыр-сырына бойлап, мол тәжірибе жинадым. Осының өзі артығымен жетеді деп ойлаймын. Менің елімізді дамытуға қатысты талай жылға арналған ауқымды жоспарларым бар, оның бәрін жүзеге асыруға ниеттімін», — деді Президент.

JQ-Aqparat

Сурет: aqorda_resmi