Түс әлетінде тұтанған өрттің түтіні тіпті бірнеше шақырым қашықтықтан байқалған. Бұл туралы КТК телеарнасы хабарлады.
Мына кадрлерді оқиға болған кезде зауыт маңынан өтіп бара жатқан адамдар түсіріп алыпты. Ресми ақпарат бойынша, өрт мұнайды алғашқы қайта өңдеу қондырғысынан шыққан. Яғни, қондырғыға қара майды айдап тұрған құбырдың бойына ауа кіріп кетіпті. Тілсіз жаумен 20 шақты өрт сөндіруші бір сағат бойы арпалысты. Абырой болғанда, зардап шеккен ешкім жоқ. Ал шығын көлемі анықталып жатыр.