Параүстел теннисі федерациясы Перизат Қайраттан бас тартты

Су тасқынынан зардап шеккендер үшін жиналған 1,5 млрд теңге ұрлады деген күдікке ілінген  қайырымдылық қордың жетекшісі Перизат Қайрат қамауға алынған болатын. Ол сондай-ақ Параүстел теннисі федерациясының президенті қызметін атқарған. Бүгін федерация Перизат Қайраттан бас тартып, қызметінен босатылғаны туралы мәлімдеме жасады.

«Қазақстан Республикасының Пара үстел теннисі федерациясы Перизат Қайрат ұсталып, тергеу жүргізілуіне байланысты енді ұйымның президенті болып табылмайтынын хабарлады. Шешім 2024 жылдың 14 қарашасында Федерацияның кезектен тыс отырысында қабылданды. Ол тағайындалғалы бері оның басшылығымен бірде-бір ресми кездесу немесе жұмыс туралы бұйрықтар өткізілмегенін атап өтеміз. Пара үстел теннисінің және спортшыларымыздың дамуына қолдау көрсете отырып, ашықтық пен заңдылық қағидаттарына сәйкес жұмысымызды жалғастырамыз» — делінген хабарламада.

JQ-Aqparat

Сурет: instagram.com/01pk/