«Өзенмұнайгаз» қызметкерлері түгелдей жұмысқа шықты

Бүгін таңертең жүргізілген келіссөз өз нәтижесін берді. «ҚазМұнайГаз» ұлттық компаниясының баспасөз қызметі хабарлағандай, 5 желтоқсанда «Өзенмұнайгаз» АҚ бұрғылау жұмыстары басқармасының (ӨМГ БЖБ) жұмысшылары кәсіподағымен кезекті келіссөз жүргізілді. Соның нәтижесінде рұқсатсыз акция тоқтатылды. ӨМГ Бұрғылау жұмыстары басқармасының жұмысшылары жұмыс орындарына толық оралды.

Түсіндіру мен талқылауды талап ететін мәселелер бітімгерлік комиссия отырысында заңға сәйкес құқықтық нормалар шеңберінде қаралады.
«ҚазМұнайГаз» диалогқа әрдайым ашық және туындаған мәселелерді қолданыстағы заңның аясында шешу үшін өзара тиімді байланыс орнатуға дайын екенін мәлімдеді.

JQ-Aqparat
Сурет: kmg.kz